चितवन । भारतको सिलगुडीबाट सुरु भएको त्रि देशिय कार ¥याली चितवन आएको छ । शुक्रबारबाट सुरु भएको कार ¥याली शुक्रबार राती चितवन आएको हो । हिमालयन ड्राइभ सिक्स ट्राइ नेसन कार ¥यालीमा दुई देशका ४२ वटा गाडीहरु सहभागी रहेका छन् ।
४२ वटा गाडीहरुमा सहभागी करिब १५० जनालाई कार ¥यालीको माध्यमबाट आज चितवनको विभिन्न स्थानहरुमा लगिएको थियो । प्रतियोगिताको रुपमा पनी संचालन भएको कार ¥यालीमा २४ वटा गाडी प्रतियोगीको रुपमा सहभागी भएका छन् । ¥यालीमा चितवनको मात्रै ७ वटा गाडीको सहभागीता रहेको छ । भारतको जस्ट स्पोर्ट्स म्यानेजमेन्ट प्रालि र नेपाल अटोमोबाइल्स एसोसिएसन ( नासा ) अन्तर्गतको नेपाल मोटर स्पोर्ट्स क्लबको आयोजनामो ¥याली आयोजना भएको हो ।
¥यालीको दोेश्रो दिन आज बिहान चितवनको पर्यटकिय क्षेत्र सौराहाबाट सुरु भएको थियो । उद्योग बाणिज्य संघ चितवनका अध्यक्ष सहनलाल प्रधानले दोश्रो दिनको ¥यालीमा फ्ल्याग अप ¥यालीको सुरुवात गराएका थिए । ¥याली चितवनको धार्मिक स्थल देवघाट , गणेशथान , पदमपुर , जुटपानी , चैनपुर , लोथर हुदै राप्तीको किनार किनार सौराहा पुगेको चितवन अटोमोबाइल डिलर एसोसियसन चितवनका अध्यक्ष इश्वर श्रेष्ठले जानकारी दिए ।
समय, गति र दूरीमा आधारित ¥याली भारत, नेपाल र भुटानसम्म पुग्ने छ । सिलगुडीबाट सुरु भएको र चितवन हुदै पुन भारत , भुटानसम्म पुग्ने र भारतकै दार्जिलिङ्गमा पुगेर समापन हुने आयोेजकले जानकारी दिएको छ । यसअघि हुने ¥याली नेपालको सिमाना क्षेत्रसम्म मात्रै आउने गरेको तर यसपालि चितवन अटोमोबाइल डिलर एसोसिएसनको पहलमा ¥याली चितवन आइपुगेको ¥यालीको लागी नेपालका सह संयोजक राजन पियाले बताए ।
चितवनका विभिन्न रमणीय र पर्यटकिय क्षेत्रको दृश्य अवलोकन गरेको र सहभागीहरु आइतबार भारततर्फ फर्कने पियाले जानकारी दिए । प्रतिस्पर्धामा पहिलो हुनेले एक लाख भारतीय रुपैयाँ, दोस्रो हुनेले ७५ हजार भारतीय रुपैयाँ र तेस्रो हुनेले ५० हजार भारतीय रुपैयाँ नगद पुरस्कारका साथै ट्रफि र प्रमाणपत्र प्राप्त गर्नेछन् ।
प्रकाशित मिति: शुक्रबार, फागुन ११, २०७४
-1732776560.jpg)
