काठमाडौँ । बीपी राजमार्ग अन्तर्गत सिन्धुलीको कमलामाई नगरपालिका-२ साउनेपानीमा जिप दुर्घटना हुँदा ४ जनाको घटनास्थलमै मृत्यु भएको छ ।
सिन्धुली सदरमुकामबाट गोलन्जोर गाँउपालिका-५ हिर्दिङतर्फ जाँदै गरेको बा ११ च २२ ७५ नम्बरको डबल क्याप बोलेरो सडकबाट करिब ५० मिटर तल खसेको प्रहरीका जनाएको हो।
दुर्घटनामा कमलामाई नगरपालिका-६ का ५८ वर्षीय लक्ष्मीप्रसाद देवकोटा, गोलन्जोर गाउँपालिका- ५ का २० वर्षीय रेशम कार्की, २२ वर्षीय युवराज लुङ्गेली मगर, १९ वर्षीय नवराज थापाको मृत्यु भएको छ भने १७ जना घाइते र ५को अवस्था गम्भीर छ।
घाइते मध्ये ११ जनाको सिन्धुली अस्पतालमा उपचार भइरहेको छ भने बाँकीको थप उपचारका लागि काठमाडौँ रिफर गरिएको छ ।
प्रकाशित मिति: शुक्रबार, फागुन ४, २०७४
-1732776560.jpg)
