काठमाडौं । तीनकुने सूर्यविनायक सडक खण्डमा दैनिक धेरै संख्यामा दुर्घटना हुने गरेका छन् । दुर्घटनाका कारण ज्यान गुमाउने बर्सेनि बढेका छन् ।
यो बर्षमात्र करिब ३० जनाले यो सडक खण्डमा ज्यान गुमाएको हुन सक्ने स्थानीयले बताए । सडकमै मृत्यु भएको रेकर्ड प्रहरीसँग हुन्छ । कतिको त अस्पताल पुगेर उपचारका क्रममा मृत्यु हुन सक्छ, त्यो कुरा कसैलाई थाहै हुँदैन । स्थानीय पसले रोकश श्रेष्ठले भने ।
उनी भन्छन्, यो सडकमा दुर्घटना भएपछि बाँच्ने सम्भावना अत्यन्त कम हुन्छ ।
महानगरीय ट्राफिक महाशाखाको दुर्घटना विवरणअनुसार यो सडक खण्डमा पाँच बर्षको अवधिमा ७८ जनाको मृत्यु भएको छ । चालू आर्थिक बर्षको माघ महिनाभित्र १५ जनाको मृत्यु भइसकेको छ ।
तीनकुनेदेखि सूर्यविनायकसम्म ९ किलोमिटर सडक खण्डमा यति ठूलो संख्यामा व्यक्तिको ज्यान गएको हो ।
प्रकाशित मिति: शुक्रबार, माघ २६, २०७४
-1732776560.jpg)
