जुम्ला । जिम्लाबाट निर्वाचित प्रतिनिधिसभा सदस्य गजेन्द्रबहादुर महतले उज्यालो जुम्ला अभियान सुरू गरेका छन् । उनले जुम्लाका नागरिकका लागि बिजुली अनिवार्य आवश्यकता रहेको भन्दै बिजुली उत्पादन र वितरण सहितको अभियान शुरु गरेका हुन् ।
महतले आफ्नो कार्यकालमा जुम्ला उज्यालो बनाउने अभियान सफल पारेर छोड्ने दाबी समेत गरेका छन् । उनले जुम्लामा विद्युत उत्पादनको सम्भावनाका बारेमा समेत छलफललार्इ अगाडि बढाएका छन् ।
उनकै पहलमा जुम्लाको तिला नदी र हिमा नदीबाट बिजुली निकाल्ने सम्भाब्यताबारे ईन्जिनियरसहितको टोलीले अध्ययन थालेको छ । अहिले तिलाको रारालिही र हाँकुमा प्रारम्भिक अध्ययन गरिएकोमा तिला गाउँपालिका–७ बाट एक मेगावाट विद्युत् उत्पादन हुने देखिएको छ ।
निर्वाचन क्षेत्र विकास कार्यक्रम र गाउँपालिकाको सहयोगमा यो अभियान थालिएको सांसद महतले जानकारी दिए । उनले साथै गाउँपालिकासँग समन्वय गरेर सबै नदीनालामा अध्ययन गरिने बताए ।
प्रकाशित मिति: बिहीबार, माघ १८, २०७४
-1732776560.jpg)
