काठमाडौँ । भारतीय विदेशमन्त्री सुस्मा स्वाराज नेपाल आएसँगै राजनीतिक भेटघाटमा व्यस्त भएकी छिन् । बिहीबार अपराह्न त्रिभुवन विमानस्थलमा ओर्लिएकी स्वराजले साँझ नेकपा एमालेका अध्यक्षसहितका नेताहरुसँग भेट गरेकी छिन् ।
भारतीय विदेशमन्त्री स्वराजको स्वागतमा अर्थराज्यमन्त्री उदय समसेर राणा त्रिभुवन विमानस्थलमा पुगेका थिए । त्यस्तै स्वराजलाई परराष्ट्रसचिव शंकरदास वैरागी, भारतीय राजदुत मञ्जिभसिंह पुरीलगायत त्रिभुवन विमानस्थलमा पुगेका थिए ।
अपराह्न सवा चार बजे वायुसेनाको विमानमा सचिव विजयकेशर गोखले, नेपाल डेक्सका प्रमुख सुधाखर दलेला, प्रवक्ता रविस कुमार लगायत भारतीय अधिकारीस उनी नेपाल आएकी हुन् ।
नेपाल भ्रमणमा रहेकी सुस्मा स्वराजको स्वागतमा नेकपा एमालेका अध्यक्ष केपी शर्मा ओलीले सोल्टी होटलमा डिनर पार्टी दिएका छन् । त्यहाँ स्वराज र ओलीबीच वान टु वान वार्ता भएको छ । वार्तामा दुई देशको आपसी हतिको विषयमा कुरा भएको एमाले नेता डा. राजन भट्टराईले जानकारी दिए ।
वान टु वान वार्तापछि एमाले नेता र स्वराज नेतृत्वको भारतीय टोलीबीच सामुहिक भेट भएको छ ।
विभिन्न अड्कलबाजी र आशंकाबीच दुई दिने भ्रमणमा नेपाल आइपुगेकी भारतीय विदेशमन्त्री सुषमा स्वराजले उनको यो यात्राको उद्देश्य नेपाल भारत सम्बन्धलाई अझ गहिरो र फराकिलो बनाउन मात्र रहेको बताएकी छन्।
नेकपा एमालेका अध्यक्ष केपी ओलीद्धारा बिहीबार आयोजित रात्री भोजमा बोल्र्दै भारतीय विदेशमन्त्री स्वराजले आफ्नो यात्रामा कुनै विशेष एजेण्डा नभएको र सिस्टाचार भेटघाटका लागि आफु नेपाल आएको बताएकी छन्।
प्रेसको पहुँचबाट बाहिर राखिएको रात्री भोजमा एमाले पक्षबाट नौ जना र भारतीय पक्षबाट १० जना सामेल हुनुपूर्व ओली र स्वराजले करिव ४५ मिनेट एक्ला एक्लै वार्ता गरेका थिए, जसको विवरण दुवै पक्षले सार्वजनिक गरेका छैनन्।
स्वराजलाई स्वागत गर्दै ओलीले वाम गठबन्धनको विजयले संशकित नहुन आग्रह गर्दै नेपाल र भारतका साझा एजेण्डामा भारतसँग सहकार्य गर्न आफु इच्छुक रहेको बताए ।
विकास, समृद्धि र गरिबी निवारण जस्ता समस्यालाई समाधान गर्दै दुई मुलुकले आफ्ना सम्बन्धलाई गहिरो र फराकिलो पार्न सक्ने धारण व्यक्त गरे ।
त्रिभुवन विमानस्थलबाट बाहिरिदै गर्दा पनि स्वराजले आफु मित्रहरुलाई भेट्न आएको र त्यसैले कुनै खास एजेण्डा बोकेर नआएको बताएकी थिइन।
प्रकाशित मिति: बुधबार, माघ १७, २०७४
-1732776560.jpg)
