कञ्चनपुर । जिल्लाको शुक्लाफाँटा १ बन्साहाका शेरबहादुर विश्वकर्माका अामावुवा ऋण काढेर छोरालार्इ विदेश पठाए । बूढेशकालको साहरा छोराले धन कमाएर सुख देला भन्ने अाश थियो । तर त्यो अाश पनि दैबले हरेको छ ।
छोराको कमार्इ खाने अाशमा बसेका वृद्ध अामाबाबु यतिवेला छोराको शव नेपाल ल्यानका लागि हारगुहार गर्दै छन् । ऋण काढेर विदेश पठाएको छोराको एकाएक मृत्यु भएपछि कञ्चनपुरको शुक्लाफाँटा नगरपालिका–१ बन्साहाका शेरबहादुर विश्वकर्माको परिवार शव स्वदेश ल्याउन नपाउँदा तनावमा परेको छ ।
तीन महिनाअघि साउदी अरबको जुविल सेन्टरमा रहेको खालिद अल जुविल कम्पनीमा कार्यरत २८ वर्षीय रमेश विश्वकर्माको मृत्यु भएपछि परिवारले शव ल्याउन हार गुहार गर्दै छ । तीन वर्षअघि पैसा कमाउन गएको शेशबहादुर अढाई वर्ष काम गरेर तीन महिनाको बिदा लिएर घर फर्किएका थिए । त्यसपछि पुनः सोही कम्पनीमा काम गर्न फएका उनले एक महिनापछि घर फिर्ता हँदैछु भनेर खबर गरेका थिए ।
काममा गएको एक वर्ष नबित्दै मृत्युको खबर अायो । बस्दै आएको कोठामा आत्महत्या गरेको भनेर गत साउन २९ गते उनका पिताले खबर पाए । यसबीचमा पाँच मिहना वितिसक्यो तर उनको शव नेपाल ल्याउन सकिएको छैन् ।
शव ल्याउनका लागि साउदी अरबस्थित दूतावास, काउन्सिलर विभाग, वैदेशिक रोजगार प्रवद्र्धन बोर्ड, श्रम मन्त्रालय, परराष्ट्र मन्त्रालयमा निवेदन दिनाका साथै प्रधानमन्त्री, मन्त्री र सांसद सबैलाई भेटेर गुहार गर्दा आश्वासन मात्रै पाइएको मृतकका दाजु नाता पर्ने ईश्वर सुनारले बताए ।
राजदूतावासले शव स्वदेश ल्याउनका लागि पहल भइरहेको भने पनि अहिलेसम्म पाउन नसकेको उनले गुनासो गरे । घरका अामा बाबु छोरालार्इ अन्तिमपटक हेर्ने इच्छा राखेर बसेका छन् ।
रोजगारदाता कम्पनीले नौ महिनाको तलबसमेत परिवारलाई उपलब्ध गराएको छैन । वैदेशिक रोजगारको कमाईले घरपरिवारले आर्थिक अवस्थामा सुधार आउने आशा गरेका परिवारको कमाउने छोराको मृत्युसँगै सबै सपना चकनाचुर भएको छ ।
दुई छोरी, श्रीमती, आमाबुबा र दुई भाइ मृतककै कमाईमा निर्भर रहेका थिए । मृतकका परिवारले शव स्वदेश ल्याउनका लागि पहल गरिदिन सम्बन्धित निकायलाई आग्रहसमेत गरेको छ ।
प्रकाशित मिति: बुधबार, माघ १७, २०७४
-1732776560.jpg)
