६ पुस, नुवाकोट । नुवाकोटका भूकम्पपीडितले स्थानीय तहको सिफारिसको आधारमा नदी र खोलाबाट निःशुल्क बालुवा उत्खनन गर्न पाउने भएका छन् । जिल्ला समन्वय समिति नुवाकोटले बुधबार आयोजना गरेको सर्वपक्षीय बैठकले भूकम्पबाट पूर्णरुपमा घर क्षति भएकाले निःशुल्क बालुवा उत्खनन गर्न पाउने निर्णय गरेको हो । नुवाकोटका प्रमुख जिल्ला अधिकारी वीरेन्द्रकुमार यादवसहित प्रहरी प्रमुख वसन्तबहादुर कुँवर तथा स्थानीय तहका प्रतिनिधिको बैठकले ढुंगा, गिट्टी र बालुवाको अभावमा घर निर्माण गर्न समस्या भोगिरहेका लाभग्राहीलाई आफैंले खोलाबाट बालुवा संकलन गर्न अनुमति दिने निर्णय गरेको हो । जिल्ला समन्वय समितिलाई तिर्नुपर्ने कर तिरेर बालुवा लैजान सकिने गरी व्यवस्था मिलाइएको बेलकोटगढी नगरपालिकाका प्रमुख राजेन्द्ररमण खनालले जानकारी दिए । उनले आवश्यक बालुवा उत्खनन गर्दा डोजरको प्रयोग गर्न नपाइने बताए ।
प्रकाशित मिति: बुधबार, पुस ५, २०७४
-1732776560.jpg)
