५ पुस, पर्सा । प्रदेश नम्बर २ को वीरगञ्जमा रहेको सुपर ग्यास उद्योगमा आगलागी हुँदा दुईजनाको मृत्यु भएको छ । ज्यान गुमाउनेको पहिचान खुल्न नसकेको प्रहरीले जनाएको छ । आगलागीमा परी तीनजना घाइते भएका छन् । त्यहाँ रहेका अमिकाप्रसाद पटेल र वारुणयन्त्रका कर्मचारी सन्दिप नेपाल घाइते भएका र दुवैजनाको वीरगञ्ज हेल्थ केयर अस्पतालमा उपचार भइरहेको छ । घाइते एकजनाको पनि परिचय नखुलेको प्रहरीले जनाएको छ । उद्योगमा रहेका ग्यास बुलेटहरु समेत जलेकाले आगो नियन्त्रण बाहिर रहेको प्रहरीले जनाएको छ । स्थानीय बासिन्दाको सहयोगमा दमकल र प्रहरीले आगो निभाउने प्रयास भइरहेको छ । प्रहरीले आगो निभाउन पुगेको एउटा दमकल पनि जलेको जनाएको छ ।
प्रकाशित मिति: मंगलबार, पुस ४, २०७४
-1732776560.jpg)
