२८ मंसिर, काठमाडौँ । नेपाल पत्रकार महासंघका निवर्तमान अध्यक्ष डा महेन्द्र विष्टले नेपाली कांग्रेसका सभापति शेरबहादुर देउवालाई सहज रुपमा सत्ता हस्तान्तरण गर्न आग्रह गरेका छन । सामाजिक सञ्जाल फेसबुक मार्फत प्रतिक्रिया जनाउँदै निवर्तमान अध्यक्ष डा विष्टले पराजय पीडादायी भए पनि स्वीकार गर्नुको विकल्प नरहेको बताएका छन । उनले भनेका छन, ‘प्रधानमन्त्री राजीनामा गर्नु हुन्न भन्दा सत्ता नछोड्ने अर्थ बुझिन्छ । अधिनायकबाद भन्या त्यही हो, जसको कंग्रेस बिपक्षमा हुनुपर्ने हो । उहिलेका मुखिया सामन्तको जस्तो काइते तर्क झिक्ने हैन राजनीतिक नेता र पार्टीले राजनीतिक कुरा गर्नुपर्छ । जनमत जसले पायो सरकार उसैले चलाउने हो ।’ डा विष्टले अब देउवाले ओलीलाई सार्वजनिकरुपमै बधाई दिने, छिटो सरकार बनाउन प्रेरित र सहयोग गर्ने अनि देशमा शान्ति सुब्यवस्था कायम राखी सकेसम्म चाडो सहजरुपमा सत्ता हस्तान्तरण गर्नुको विकल्प नरहेको समेत बताएका छन । उनले भनेका छन, ‘राष्ट्रियसभाको अर्घेल्याइ र नियुक्तीको प्रयासले अनावश्यक बिबाद र द्वन्द्व निम्त्याउने काम गर्दैछ । यो ठीक लागेन ।’ उनले राजिनामा गर्नु अनिवार्य नभए पनि राजनीतिक संस्कार देखाउन राजिनामा गर्नु उत्तम उपाएको रहेको बताएका छन ।
प्रकाशित मिति: बुधबार, मंसिर २७, २०७४
-1732776560.jpg)
