२३ मंसिर, काठमाडौँ । दोब्बर मतले पराजित हुने निश्चित भएपछि काठमाडौं निर्वाचन क्षेत्र नं. ५ को मत गणनामा कांग्रेसले अवरोध गरेको छ । बानेश्वरस्थित कृषि सहकारी तालिम केन्द्रमा जारी मत गणनास्थलमा कांग्रेस एकपछि अर्को गर्दै निहँु खोज्न थालेपछि राती १ वजेदेखि मतगणना अघि बढ्न सकेको छैन । टोखा २ क्वाखल र सरस्वती ३ को सरस्वती वुथमा क्रमशः २ र १ मत मुचुल्कामा भन्दा बढी देखिएपछि काँग्रेसका प्रतिनिधिले गणनास्थलमा जर्वरजस्ती हुल हुज्जत गर्ने खोजेका थिए । काँग्रेस उम्मेदवार प्रकाशशरण महत भन्दा दोब्बर मतले अगाडि रहेका एमाले महासचिव ईश्वर पोखरेल त्यसवेलासम्म मत गणना हुँदा ४ हजार ९० मतका साथ विजय उन्मुख ढंगले अघि बढीरहेका छन । गैरकानुनी ढंगले मतदान स्थलमा प्रवेश गरेका नुवाकोटका मतदाता उत्तम पाठकले गणना प्रक्रियालाई प्रभावित पार्ने खोजेका थिए । आफूलाई प्रकाशरण महतका पिए बताउने नेपाल विद्यार्थी संघ नुवाकोटका अध्यक्ष पाठकले जर्वजस्ती र हुलहुज्जत गर्न खोजेपछि मतदानस्थलमा रहेका अन्य उम्मेदवारका प्रतिनिधिले उनलाई निकाल्न माग गरेका छन् । नुवाकोट जस्तापातावाला काण्डमा रमेश महतसँग नाम मुछिएका उत्तम पाठक र मोदीसँगको सेल्फी काण्डमा गैरकुटनीतिक आचरण प्रस्तुत गर्दै श्याउको कार्टुनमा आशा लामाबाट पैसा बुझेर राजदूत सिफारिस गर्ने प्रकाशशरण यस प्रकरणबाट झन बद्नाम हुने देखिएको छ ।
लोकतन्त्रको दुहाई दिने तर पराजय उन्मुख भएपछि मतगणना नै प्रभावित पार्नु पाँच नंम्वर क्षेत्रका मतदाताको अपमान भएको भन्दैं एमालेले महतका पिए उत्तम पाठकलाई मतगणना स्थलबाट पुलिस लगाएर निकाल्न माग गरेको छ । उनलाई ननिकाली मतगणना अघि बढ्न नसक्ने भन्दैं एमालेले विरोध जनाएको छ । ‘केही प्राविधिक समस्या देखाएर मतगणना रोक्नु, त्यो पनि नुवाकोटको गैरप्रतिनिधि आएर हुलहुज्जत गर्ने खोज्नु काठमाडौं निर्वाचन क्षेत्र नं. ५ का जनताको अपमान हो’ मतगणना स्थलमा रहेका प्रदेशसभा सदस्यका उम्मेदवार दिपक निरौलाले भने । उनले पाँच नम्बरका जनताको फैसलालाई रोक्न खोज्ने गैर मतदातालाई तत्काल पुलिस लगाएर निकालेर गणना प्रक्रिया अघि बढाउन माग गरेका छन । मतदाताले व्यक्त गरेको फैसलालाई रोक्न खोज्नु निन्दनिय भएको भन्दैं काठमाडौ क्षेत्र नं. ५ का निर्वाचन परिचालन कमिटी संयोजक तथा एमाले केन्द्रीय सदस्य सूर्य थापाले गैरमतदातालाई गणनास्थलबाट निकाल्नुपर्ने आफ्ना प्रतिनिधिको माग जायज भएको बताएका छन । उनले गणनास्थलमा हुलहुज्जत गर्ने समूहलाई पुलिस लगाएर निकालेर भएपनि मतगणना प्रक्रियालाई तत्काल अगाडि बढाउन माग गरेका छन ।
प्रकाशित मिति: शुक्रबार, मंसिर २२, २०७४
-1732776560.jpg)
