१९ मंसिर, काठमाडौँ । दोस्रो चरणको निर्वाचनका लागि आज मतदाता परिचयपत्र वितरण भैरहेको छ । २१ गते हुने निर्वाचनका लागि ४५ जिल्लाका झण्डै २२ लाख मतदातालाई परिचयपत्र वितरण गर्ने तयारी भएको आयोगका प्रवक्ता नवराज ढकालले बताए । स्थानीय निर्वाचनपछि थपिएका मतदाताको मात्र परिचय पत्र वितरण हुने ढकालले बताए । आयोगले थपिएका र पहिला परिचय पत्र नलिएका मतदातालाई परिचय पत्र बुझ्न आग्रह गरेको छ । स्थानीय चुनावमा परिचय पत्र पाएकाहरुले त्यहि परिचय पत्र देखाएर भोट हाल्नु पाउनेछन । परिचयपत्र वितरण सँगै मतदातालाई भोट हाल्ने तरिका पनि सिकाइने प्रवक्ता ढकालले बताए । मतदाताहरुले सम्बन्धित मतदान केन्द्र पुगेर परिचय पत्र लिन सक्ने छन् । यस्तै मतदाता नामावलीमा नाम भएका र मतदान गर्न योग्य व्यक्तिले मतदाता परिचय पत्र हराएको भए, परिचय खुल्ने सरकारी कागजात जस्तै लाईसेन्स, नागरिकता देखाएर पनि भोट हाल्न पाउनेछन् ।
प्रकाशित मिति: सोमबार, मंसिर १८, २०७४
-1732776560.jpg)
