–माधव तिवारी
१७ मंसिर, काठमाडौँ । देउवा सरकारले सहिद घोषणा गरेका निर्माण व्यवसायी शरदकुमार गौचन गुण्डा नाइके स्वर्गीय कुमार घैँटेको बिजनेश पार्टनर रहेको खुलासा भएको छ । गौचन हत्याको अनुसन्धानको क्रममा प्रहरीले घैँटे र गौचन बिजनेश पर्टनर रहेको तथ्य फेला पारेको हो । नेपाल प्रहरीको केन्द्रीय अनुसन्धान व्यूरोले आइतबार महाराजगञ्जमा गौचना हत्याका मुख्य योजनाकार समिरमानसिंह बस्नेतलाई पक्राउ गरी सार्वजनिक गर्दै प्रहरीले उक्त तथ्य सार्वजनिक गरेको हो ।
व्यूरोका प्रमुख पुष्कर कार्कीले प्रारम्भिक अनुसन्धानको क्रममा मृतक शरद कुमार गौचनले संचालन गर्दै आएको डांफे कन्स्ट्रक्सनमा सेयर दिने भनि गजुरमुखी कन्स्ट्रक्सनका मूख्य लगानीकर्ता मृतक कुमार श्रेष्ठ (घैंटे) मार्फत दुई करोड पचास लाख लिएको खुलासा भएको बताए । कार्कीले भने, ‘सोही रकममध्ये एक करोड समिरमान सिंह बस्नेतले आफ्नो भनेर दाबी गरेको र कुमार श्रेष्ठको मृत्यु पश्चातत उक्त सम्पुर्ण रकम बराबरको डांफे कन्स्ट्रक्सनमा सेयर दिन वा रकम फिर्ता गर्न भनि बस्नेतले पटक पटक माग गर्दा समेत फिर्ता नगरे पश्चात उनीहरुको बीचमा विवाद उत्कर्षमा पुगेको देखियो ।’ बस्नेतले बिरगंजदेखी विराटनगर जोड्ने हुलाकी मार्गको ठेक्काको कमिशन वापतको २५ प्रतिशत रकम समेत माग गरेका थिए तर गौचनले नदिएपछि उनको हत्या योजना बनेको देखिएको छ । प्रहरीको अनुसन्धानले गौचन हत्याको मुख्य कारण उनको गुण्डाहरुसँगको सहकार्य र संलग्ना नै भएको देखिएको छ ।
प्रकाशित मिति: शनिबार, मंसिर १६, २०७४
-1732776560.jpg)
