३ मंसिर, काठमाडौँ । प्रकाश दाहाल सदाका लागि अस्ताएका छन । आइतबार बिहान प्रचण्ड निवास लाजिम्पाटमै उनको निधन भएको बुझिएको छ । नेकपा माओवादी केन्द्रका अध्यक्ष एवं पूर्व प्रधानमन्त्री पुष्पकमल दाहालका एकमात्र सुपुत्र प्रकाश केही दिनदेखि बिरामी थिए । ज्वरोका कारण उनले शनिबार राति आमा सीता दाहालसँगै जाउलो खाएर सुतेका थिए । बिहान चाँडै उठ्ने बानी भएका प्रकाश आज नउठेपछि आमा सीताले बोलाइन तर छोरो नउठेपछि उनले प्रकाशलाई सन्तु दराईलाई बोलाएर नर्भिक अस्पताल पु¥याईएको थियो । तर अस्पताल पु¥याउनु अघि नै उनको मृत्यु भैसकेको अस्पताल स्रोतले बताएको छ । आफूलई सञ्चो नभएपछि प्रकाश तीन दिनदेखि लाजिम्पाटमा आमासँगै बस्दै आएका थिए । प्रकाशको नाकबाट हल्का रगत बगेको प्रत्यक्षदर्शी एक प्रहरीले बताएका छन । अहिले नर्भिक अस्पतालमा शुभचिन्तकको ठूलो भीड लागेको छ । अस्पताल क्षेत्रको सुरक्षा व्यवस्था समेत कडा पारिएको छ ।
प्रकाशित मिति: शनिबार, मंसिर २, २०७४
-1732776560.jpg)
