१ मंसिर, इलाम नेकपा (एमाले) संसदीय दलका उपनेता तथा इलाम क्षेत्र नं २ का उम्मेदवार सुवास नेम्वाङले वाम गठबन्धनका उम्मेदवारमाथि भइरहेको आक्रमण तत्काल रोक्न र उम्मेदवारको पूर्ण सुरक्षाको ग्यारेण्टी गर्न सरकारसँग माग गरेका छन । इलामको इभाङमा आज आयोजित चुनावीसभालाई सम्बोधन गर्दै उनले सरकार विभिन्न बहानामा निर्वाचन सार्ने दाउमा उद्दत रहेको बताउँदै उम्मेदवारमाथि आक्रमण हुनु निन्दनीय विषय भएको बताए । निर्वाचनपछि मुलुकमा समृद्धि र विकासको लहर छाउने बताउँदै निर्वाचनमा वाम गठबन्धनलाई विजयी गराउन आग्रह गरे । मुलुकको ऐतिहासिक संविधान बनाउन आफ्नो अतुलनीय योगदान रहेको उल्लेख गर्दै उनले संविधानको सफल कार्यान्वयन भएमा मात्र देशमा स्थिरता कायम हुने विचार व्यक्त गरे । प्रदेशसभा २ (ख) का उम्मेदवार धीरेन्द्र शर्माले समृद्ध जिल्ला बनाउने अभियानमा आफू कटिबद्ध भएर केन्द्रसम्म पहल गर्ने प्रतिवद्धता जनाए ।
प्रकाशित मिति: बिहीबार, कात्तिक ३०, २०७४
-1732776560.jpg)
