२४ कात्तिक, काठमाडौँ । विनाविभागीय मन्त्री जनार्दन शर्मा चढेको गाडीलाई लक्षित गरी दुई वटा बम प्रहार भएको छ । पश्चिम रूकुमका प्रतिनिधसभा सदस्यका उम्मेदवार समेत रहेका शर्मा चढेको गाडीमा रुकुममौ बम प्रहार भएको हो । चौरजहारी नगरपालिका–८ गोइरीमा विहान साढे ९ बजे शर्मा चढेको गाडीलाई लक्षित गरी बम प्रहार भएको वाम गठबन्धनले विज्ञप्ति मार्फत जानकारी दिएको छ । रूकुमको चौरजहारीबाट उम्मेदवार शर्मासहित प्रचार टोली विहान सानोभेरी गाउँपालिकातर्फ प्रचारका लागि जाँदै गर्दा बम प्रहार भएको हो । एमाले र माओवादी, पश्चिम रूकुमको पार्टी एकता संयोजन समितिका प्रमुख नेताहरू राजकुमार शर्मा र शेरबहादुर केसीले विज्ञिप्त प्रकाशित गरी राजनीतिक स्थायित्व र समृद्धि बिरोधीहरूले अक्रमण गरेको बताएका छन् ।
प्रकाशित मिति: बिहीबार, कात्तिक २३, २०७४
-1732776560.jpg)
