२० कात्तिक, कठमाडौँ । राष्ट्रपति कार्यालयका सचिव भुपेन्द्र पौडेलले पूर्व राष्ट्रपति यादवलाई सरकारले दिँदै आएको सेवा सुविधामा कुनै कमी नगरेको बताएका छन । पूर्व राष्ट्रपति डा. रामबरण यादवलाई घर छोड्न घर मालिककले १५ दिने सार्वजनिक सूचना जारी गरेपछि पौडेलले यस्तो प्रतिक्रिया दिएका हुन । उनले पूर्व राष्ट्रपतिका सेवा सुबिधाबारे नेपाल सरकारको मन्त्रिपरिषदको २०७३ माघ २० गतेको बैठकले केही परिवर्तन गरेको र त्यहि अनुसार जानकारी गराएको बताए । पौडेलले उक्त निर्णय अनुसार पूर्व राष्ट्रपतिको आफ्नो घर भए मासिक एक लाख घरभाडा उपलव्ध गराउने तथा आफ्नो घर नभएको खण्डमा मासिक २ लाख भाडा सरकारले व्यहोर्ने उल्लेख भएको भन्दै त्यसवारे डा यादवलाई जानकारी गराएपनि यादवले प्रतिउत्तर नदिएको बताएका छन । पूर्व राष्ट्रपति यादव ललितपुर महानगरपालिका वडानं ४ बागडेलस्थित रविभक्त विष्टको घरमा २०७२ कार्तिक १२ गतेबाट बस्दै आएका छन् । तर, सरकारको पछिल्लो निर्णयमा यादवले कुनै जवाफ नपठाएपछि राष्ट्रपति कार्यलयले गत साउन यता घरभाडा बापतको रकम नपठाएको स्वीकार गरेको छ ।
प्रकाशित मिति: आइतबार, कात्तिक १९, २०७४
-1732776560.jpg)
