१७ कात्तिक, काठमाडौँ । नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले बामपन्थी एक हुँदा कांग्रेस नेता पानी छम्कनु पर्ने गरी मुर्छा परेको बताएका छन । शुक्रबार झापामा पत्रकारहरुसँग कुरा गर्दै अध्यक्ष ओलीले मुलुकका वामपन्थीहरु एकजुट हुँदा कांग्रेसका केही नेताहरु पानी छम्किनु पर्नेगरि मुर्छा परेको आरोप लगाए । उनले नेपाली कांग्रेस पार्टीसँग इमान जमान सकिएको बताए । अध्यक्ष ओलीेले कांग्रेससँग आज विपी, गणेशमान, सुवर्णसमशेर जस्ता त्यागी नरहेको र निजी स्वार्थको लागि मरिमेट्ने देश लुटाहा मात्र बाँकी रहेको बताए । उनले भने आफू लोकतन्त्रको लागि जेलनेल भोगिरहँदा अहिलेका प्रधानमन्त्री शेरबहादुर देउवा बेलायतका गल्लीमा हल्लिरहेको बताए । नेपाली राजनीतिमा कुनै बेला कांग्रेससँग डिपार्टमेण्ट स्टोर रहेकोे भन्दै ओलीले भने ‘हेर्दै गर्नूहोला, छिट्टै कांग्रेससँग बाँकी भएको एउटा सटर पनि बन्द हुँदैछ ।’ प्रधानमन्त्री शेरबहादुर देउवाले मुलुकमा कम्युनिष्टहरुले अधिनायकवाद ल्याउन खोजेको ब्यहोराको आरोप लगाएको बताउँदै ओलीले कांग्रेसका बोलीमा मात्र लोकतन्त्र भएको र ब्यबहारमा स्वार्थको भकारी भर्ने घिनलाग्दो दाउमात्र भएको आरोप लगाए ।
प्रकाशित मिति: बिहीबार, कात्तिक १६, २०७४
-1732776560.jpg)
