१२ कात्तिक, काठमाडौँ । नेकपा एमालेका वरिष्ठ नेता माधवकुमार नेपाल काठमाडौँ क्षेत्र नम्बर २ बाटै चुनाव लड्ने निश्चित भएको छ । २०७० सालको संविधानसभा निर्वाचनमा काठमाडौँ र रौतहट दुई ठाउँबाट निर्वाचित भएका नेपालले दुई मध्ये एक रोज्नुपर्दा काठमाडौँ छाडेर रौतहट रोजेका थिए । तर स्थनीय तहको निर्वाचनमा प्रमुख पदमा एमाले रौतहटमा शून्य बन्न पुगेपछि झस्केका नेपाल पुनः ७० मा छाडेको निर्वाचन क्षेत्रबाटै प्रतिनिधिसभाको निर्वाचनमा सहभागी हुने भएका छ । त्यस्तै प्रहरीभित्र योग्य भएर पनि आइजिपी हुनबाट रोकिएपछि जागिर छडेर राजनीतिमा आएका नवराज सिलवाल ललितपुरको १ बाट प्रतिनिधिसभको लागि उम्मेदवार बन्ने भएका छन । उनको नाममा पार्टी स्थायी कमिटीमा समेत सहमति जुटिसकेको छ । प्रहरीभित्र इमान्दार अधिकृतको छवी बनाएका सिलवाल केही सात अघि प्रहरीको जागिर छाडेर एमालेमा प्रवेश गरेका थिए ।
प्रकाशित मिति: शनिबार, कात्तिक ११, २०७४
-1732776560.jpg)
