३० असोज, काठमाडौँ । निर्धारित समय भन्दा करिब पाँच घन्टा ढिलो गरी गैरआवासीय नेपाली संघ (एनआरएनए) को मतदान जारी छ । दिउँसो १ बजेबाट सुरु गरिने भनिएको निर्वाचन कार्यक्रम साँझ सवा ५ बजेमात्रै सुरु भएको हो । निर्वाचन कार्यक्रम ढिलो हुँदा सहभागीहरुले सम्मेलनस्थलमा चर्को नाराबाजी समेत गरेका छन । विद्युयतीय भोटिङ मेशिनमा मतदान गर्ने व्यवस्थासहित निर्वाचन कार्यक्रम सुरु भएको हो । जम्मा १८५४ जना मतदाता रहेको एनआरएनएको सम्मेलनमा आगामी दुई वर्षे कार्यकालका लागि अध्यक्षमा वर्तमान उपाध्यक्ष भवन भट्ट र वर्तमान अध्यक्ष पत्नी जमुना गुरुङ प्रतिस्पर्धामा छन् । यस्तै उपाध्यक्ष्मा चिरञ्जीवी थापा, खगेन्द्र क्षेत्री, कुल आचार्य, कुमारप्रसाद पन्त रविना थापा र सोनाम लामा प्रतिस्पर्धामा छन् । महिला उपाध्यक्षमा रञ्जु थापा र सकिला राजभण्डारी प्रतिस्पर्धामा रहेका छन । शक्तिशाली मानिने महासचिव पदमा अर्जुनकुमार श्रेष्ठ, डा बद्री केसी र यामबहादुर गुरूङ प्रतिस्पर्धामा रहेका छन । त्यसैगरी सचिवमा डम्बरबहादुर क्षेत्री, डा. देवीबहादुर बस्नेत, गणेश केसी, जानकी गुरूङ ऋषिराम कँडेल र सन्तोषकुमार भट्टराई प्रतिस्पर्धामा रहेका छन ।
प्रकाशित मिति: आइतबार, असोज २९, २०७४
-1732776560.jpg)
