२४ असोज, काठमाडौँ । नेपाल प्रहरीको केन्द्रीय लागु औषध नियन्त्रण व्यूरोले दुई किलो अफिम र २२ किलो चरेससहित दुई जनालाई पक्राउ गरेको छ । प्रहरीले लामो अनुसन्धानबाट काठमाडौँको बल्खुबाट धादिङ जिल्ला किरानचोक गाउपालिका वडा नं. ८ धिरखर्क स्थायी ठेगाना भएका बर्ष ३६ को दर्ज बहादुर तामाङको साथबाट अवैध लागु औषध अफिम १ किलोग्राम, चरेस १२ किलोग्राम, नेपाली दुई हजार र तौल गर्ने मेसिन थान–१ र निज सगै रहेका मकवानपुर जिल्ला राक्सीरागं गाउपालिका वडा नं. २ स्थायी ठेगाना भएका बर्ष ३६ को राजकुमार मोक्तानको साथबाटअवैध लागु औषध अफिम १ किलोग्राम, चरेस १० किलोग्राम, नेपाली सात हजार, भारतिय रुपैयाँ ५८ हजारसहित दुई जनालाई पक्राउ गरेको जनाएको छ । प्रहरीले दर्जबहादुर तामाङ र राजकुमार मोक्तान बिगत लामो समय देखी अबैध लागु औषधको कारोबार गर्ने गरेको समेत प्रारम्भिक अनुसन्धानबाट खुल्न आएको जनाएको छ ।
प्रकाशित मिति: सोमबार, असोज २३, २०७४
-1732776560.jpg)
