२३ असोज, काठमाडौँ । निर्माण व्यवसायी महासंघका अध्यक्ष शरदकुमार गौचनको गोली हानी हत्या भएको छ । काठमाडौंको शन्तिनगरमा सोमवार दिउँसो गौचनको गोली हानी हत्या भएको हो । सोमबार दिउँसो सवा तीनबजेतिर मोटरसाइकलमा आएका दुई सुटरले राजधानीको शान्तिनगरस्थित ओम शान्ति चोकमा गोली प्रहार गरी हत्या गरेका हुन् । गोली लागेपछि उपचारको लागि नजिकैको सिभिल अस्पताल लगिएको भएपनि डाक्टरले उनलाई मृत घोषित गरेको थियो । गौचनको शरिरमा तीनवटा गोली लागेको छ । जसमा एउटा गोली मुटुमा, एउटा कलेजोमा अर्को पेटमा लागेको छ । प्रहरीका अनुसार मोटरसाइकल चालकले पिंक कलरको हेलमेट र टिसर्ट लगाएका थिए । गाैचन सवार वा १३ च ४९४८ नम्बरको गाडीको अगाडीपट्टीबाट गोली प्रहार भएको छ । गाैचनको गाडीको सीसा समेत गोलीले प्वाल परेको छ । गाैचन बानेश्वरको खरिबोटमा रहेको अाफ्नो घरबाट गाडीमा बाहिर निस्कदै गर्दा गोली प्रहार भएको प्रहरीले जनाएको छ । व्यवसायीहरूले हुलाकी राजमार्गको ठेक्काे विषयलाइ लिएर गोली हानेको हुनसक्ने अनुमान गरेका छन । गोली हानेको प्रकृति हेर्दा गाैचनको हत्यामा सार्प सुटरको प्रयोग भएको हो कि भन्ने शंका गर्न सकिने एक प्रहरी अधिकारीले बताएका छन ।
प्रकाशित मिति: आइतबार, असोज २२, २०७४
-1732776560.jpg)
