२३ असोज, काठमाडौँ । प्रहरीले काठमाडौंबाट दुई भारतीय ‘सार्प सुटर’ पक्राउ गरेको छ । भारतीय प्रहरीको मोस्ट वान्टेडको सूचिमा रहेका उनीरुलाई शनिबार जोरपाटीबाट प्रहरीको आतंकवाद हेर्ने विशेष व्यूरोले पक्राउ गरेको हो । पक्राउ पर्नेमा भारत रक्सौलका दीपककुमार श्रीवास्तव र रञ्जनकुमार यादव रहेका छन । उनीहरु नेपाल आउनुको पछाडि कसैको हत्या योजना बनाएको हुनसक्ने प्रहरीले जनाएको छ । महानरीय प्रहरी आयुक्त एआइजी जयबहादुर चन्दले भारतबाट नेपाल भित्रन सहज भएकाले उनीहरु सहजै नेपाल भित्रिएको र कसैको हत्या योजना थियो वा थिएन भन्ने पूर्ण जानकारी नभइसकेको बताए । पक्राउ परेका उनीहरुमाथि काठमाडौं जिल्ला अदालतबाट म्याद थप गरी अनुसन्धान भइरहेको छ । प्रारम्भिक अनुसन्धान अनुसार उनीहरु एक नेपाली व्यापारीको हत्या योजना अनुसार नेपाल प्रवेश गरेको देखिन्छ ।
प्रकाशित मिति: आइतबार, असोज २२, २०७४
-1732776560.jpg)
