२० असोज, धनकुटा । धनकुटाको पाख्रीबासमा कांग्रेस र राप्रपाका नेता जुवाको खालबाट पक्राउ परेका छन । प्रहरीले जुवा खेलिरहेका १२ जनालाई पक्राउ गरेको छ । स्थानीयबासीन्दाको उजुरीको आधारमा जुवाको खालमै पुगेर पक्राउ गरेको प्रहरी उपरीक्षक सुदिप राजभण्डारीले बताए । पक्राउ पर्नेहरुमा नेपाली कांग्रेस पाख्रीबास नगर समितिका सभापति कोविन मानन्धर र राप्रपाका नेता दिलबहादुर गुरुङ समेत रहेका छन् । जुवाको खालबाट ३ लाख ४५ हजार नगद, १६ थान कौडा र ३ गद्दी तास बरामद गरेको प्रहरी उपरीक्ष राजभण्डारीले बताए । बिहीबार पक्राउ परेका उनीहरुलाई प्रहरीले अदालतमा मुद्दा दर्ता गरेको छ ।
प्रकाशित मिति: बिहीबार, असोज १९, २०७४
-1732776560.jpg)
