१९ असोज, काठमाडौँ । नेपाल प्रहरीबाट राजिनमा दिएका डिआइजी नवराज सिलवालले दशैँको अन्तिम दिन नेकपा एमालेका अध्यक्ष केपी शर्मा ओलीको हातबाट टिका तथा जमरा थापेका छन । ओली निवास बालकोट पुगेर बिहान १०ः३० बजे सिलवालले ओलीको हातबाट टिका तथा जमरा थापेका हुन । नेपाल प्रहरीभित्र इमान्दार छवी बनाएका डिआइजी सिलवाल प्रहरी महानिरीक्षकको बुढावमा आफूमाथि अन्याय भएको भन्दै सर्वोच्च पुगेका थिए । तर सर्वोच्चले लामो समय लगाएर रिट खारेज गरिदिएपछि सिवालले आफू वरिष्ठ हुँदाहुँदै पनि कनिष्ठलाई प्रहरी प्रमुख बनाएको भन्दै राजिनामा दिएका थिए । सिलवालले राजिनामा दिएको हप्तौँ भए पनि उनको राजिनामा अझै स्वीकृतिको चरणमा रहेको छ । सिलवाललाई सरकारले अन्याय गरेको भनेर सडकदेखि संसदसम्म आवाज उठाउने ओलीसँग सिलवाल पछिल्लो समय नजिक बनेका छन । तस्बीरः आजकोन्युजका लागि विष्णुहरि त्रिपाठी ।
प्रकाशित मिति: बुधबार, असोज १८, २०७४
-1732776560.jpg)
