१८ असोज, काठमाडौँ । काठमाडौं केन्द्रबिन्दु भएर बुधबार बिहान परकम्प गएको छ । राष्ट्रिय भूकम्प मापन केन्द्रका अनुसार बुधबार बिहान २ बजेर ४ मिनेट जाँदा काठमाडौंको मनमैजु आसपास केन्द्रविन्दु भएर ३ दशमलव ७ म्याग्निच्यूडको परकम्प गएको हो । परकम्पको धक्का गोंगबु, नयाँबजार, स्वयम्भू र त्यस आसपासका क्षेत्रमा अलि धेरै महशुस गरिएको थियो । यो परकम्प २०७२ साल वैशाख १२ गते गोरखाको बारपाक केन्द्रविन्दु भएर गएको भूकम्पकै परकम्प रहेको केन्द्रले जनाएको छ । केन्द्रका अनुसार ७ दशमलव ८ रेक्टर स्केलको यो भूकम्पपछि अहिलेसम्म ४ सय ८६ पटक परकम्प गएको छ ।
प्रकाशित मिति: मंगलबार, असोज १७, २०७४
-1732776560.jpg)
