१६ असोज, काठमाडौँ । आगामी चुनावपछि पार्टी एकता हुने गरी नेकपा एमाले र नेकपा माओवादी केन्द्रबीच तालमेल हुने भएको छ । पार्टी एकताका लागि दुबै पर्टीले चार र तीन जना शीर्ष नेता सम्मिलित कार्यदल समेत गठन गरेको छ । एमालेबाट तीन पूर्व प्रधानमन्त्रीहरु केपी शर्मा ओली, माधवकुमार नेपाल, झलनाथ खनाल र उपाध्यक्ष बामदेव गौतम तथा माओवादीबाट अध्यक्ष तथा पूर्व प्रधानमन्त्री पुष्पकमल दाहाल प्रचण्ड, रामबहादुर थापा बादल, नारायणकाजी श्रेष्ठ प्रकाश रहेका छन । स्थानीय तहको निर्वाचन सम्पन्न भई प्रदेश र प्रतिनिधिसभाको निर्वाचन नजिकिँदै जाँदा नयाँ राजनीतिक ध्रुवीकरण शुरु भएका हो । पार्टी एकता प्रक्रिया अगाडि बढाउने निर्णयमा पुगेका दुवै पार्टीबीच सात बुँदे गोप्य सहमति नै भइसकेको आजकोन्युजले सूचना प्राप्त गरेको छ । अबको निर्वाचनमै एउटै चुनाव चिन्ह लिएर लड्ने सहमति गरेका छन् । एमालेको चुनाव चिन्ह सूर्य लिएर लड्ने दुई पार्टीबीच सहमति भएको एमालेका एक नेताले बताए । एमालेलाई ६० र माओवादी केन्द्रलाई ४० प्रतिशत दिएर उम्मेदवारी दिने समझदारी समेत भएको छ ।
प्रकाशित मिति: आइतबार, असोज १५, २०७४
-1732776560.jpg)
