काठमाडौँ । आज (आइतबार) राष्ट्रिय सभाका समितिका बैठकहरू बस्दैछन् । संसद सचिवालय सिंहदवारमा छुट्टा छुट्टै समयमा बस्ने गरी समितिका बैठकहरू बोलाइएको छ ।
राष्ट्रिय सभाका दुई प्रत्यायोजित व्यवस्थापन तथा सरोकार तथा समन्वय समितिको बैठक बोलाइएको हो । संघीय संसदअन्तर्गत राष्ट्रिय सभा, प्रत्यायोजित व्यवस्थापन तथा सरकारी आश्वासन समितिको बैठक १७७औं बैठक दिउँसो १ बजे बस्ने भएको छ । समितिको सभा हल संसद सचिवालय सिंहदवारमा बस्ने बैठकमा मोरङ, झापा र तनहुँमा सम्पन्न अनुगमन निरीक्षण कार्यक्रमको समीक्षा गर्ने रहेको छ ।
राष्ट्रिय सभाकै राष्ट्रिय सरोकार तथा समन्वय समितिको बैठक पनि आजै दिउँसो १ बजे बस्दैछ । बैठक समितिको सभा हल सिंहदवारमा बस्ने सचिवालयले जनाएको छ । बैठकमा समितिको स्थलगत अनुगमन र विभिन्न मितिमा भएका छलफलको आधारमा नेपाल सरकारलाई दिएन नीतिगत निर्देशनका विषयमा छलफल हुने जनाइएको छ ।
प्रतिनिधिसभा अन्तर्गत अर्थ समितिको बिहान ११ बजेका लागि बोलाइएको बैठक साउन ४ गतेका लागि सारिएको छ । बैठकमा आगामी मौद्रिक नीतिको कार्यदिशा, लक्ष्य र उद्देश्य, आगामी वर्षका वित्तीय र मौद्रिक प्रोत्साहन, मौद्रिक नीतिका उपकरणहरू र तिनीहरूको प्रवृति लगायतका विषयमा नेपाल राष्ट्र बैठकमा गभर्नर र अर्थ मन्त्रालयसँग छलफल गर्ने कार्यक्रम रहेको छ ।
प्रकाशित मिति: आइतबार, असार ३१, २०८०
-1732776560.jpg)
