काठमाडौँ । प्रधानमन्त्री पुष्पकमल दाहाल ‘प्रचण्ड’ ससद्मा भावुक बनेका छन् । गत असार १८ गते बोलेको अभिव्यक्तिबारे स्पष्टीकरण दिँदै प्रधानमन्त्री प्रचण्ड भावुक बनेका हुन् ।
सोमबार प्रतिनिधिसभा बैठकमा सांसदहरूको प्रश्नको जवाफ दिँदै प्रधानमन्त्री प्रचण्डले आफू भावनात्मक रहेको बताउँदै आफूले नियतवश नभएको बताउँदै आफ्नो गल्ती स्वीकार गरेका छन् ।
‘म अलिकति भावनात्मक छु नै म अलिकति सेन्टिमेन्टल छु नै यही त प्रचण्ड भयो । अब गर्नुहुन्छ ? के ? यो कुरा नभन्दा पनि हुन्थ्यो। थोरै भावनामा आएँ। भन्ने जरुरी त थिएन त्यो कुरा । मनमा यो भनेँ। मैले राष्ट्रप्रति घात गर्ने कुरा हो त ? यो। मैले प्रधानमन्त्रीको भाषामा त्यो नबोल्नुपर्थ्यो । म ज्ञानुको बुवा भएर बोलेँ । प्रितम सिंहलाई धन्यवाद दिन पुगेँ । क्रान्ति कालमा राष्ट्रियताको नाममा लडेको सकियो यतिले ? मेरो एउटा भावनात्मक अभिव्यक्तिले सबै सिद्धियो त ?,’ उनले प्रश्न गरे ।
प्रधानमन्त्री प्रचण्डले आफूले ०६८-०७९ सालमा आफ्नी छोरी ज्ञानु बिरामी हुँदा भारतको दिल्लीस्थित प्रितम सिंहको घरमा बसेको र सोही बेला उनले आफूलाई प्रधानमन्त्री बन्नुपर्ने प्रस्ताव गरेको बताए ।
प्रकाशित मिति: सोमबार, असार २५, २०८०
-1732776560.jpg)
