५ असोज, काठमाडौँ । उपराष्ट्रपति नन्दबहादुर पुनसहित राजनीतिक दलका शीर्ष नेताहरुलाई सामाजिक सञ्जाल फेसबुकमा अपशब्द प्रयोग गरी गाली गर्ने जर्मनीमा रहेका आत्मराम थपलियाविरुद्ध इन्टरपोलमा डिफ्युजन जारी भएको छ । नेपालको कानुन अनुसार थपलियाले अपराध गरेको भन्दै डिफ्युजन जारी गरिएको हो । नेपाल प्रहरीको केन्द्रीय अनुसन्धान ब्युरोले थपलियाविरुद्ध विद्युतीय कारोबार अपराध ऐन अन्तर्गत कारबाही अघि बढाएपछि उसकै पत्रका आधारमा इन्टरपोलले डिफ्युजन जारी गरेको हो । थपलिया जर्मनीमा रहेको सूचना रहे पनि उनी जान सक्ने सबै इन्टरपोल सदस्य राष्ट्रले निगरानी बढाउने प्रहरीले जनाएको छ । थपलियाको हुलिया, पार्सपोर्ट नम्बर र तस्बिर सहितको विवरण बुधबार नै विश्वभर रहेका इन्टरपोल सदस्य राष्ट्रको नोटिसमा पुगिसकेको छ।
प्रकाशित मिति: बुधबार, असोज ४, २०७४
-1732776560.jpg)
