–राजन रौनियार
५ असोज, पर्सा । रौतहटको कठहरिया नगरपालिकाको वडा नम्बर ८ बलुवा टोलमा कांग्रेस र राजपाका कार्यकर्ताबीच झडप भएको छ । झडपमा राजपा कार्यकर्ताको ज्यान गएको प्रहरीले जनाएको छ । व्यक्तिगत रिसइबीका कारण स्थानीय रामपुकार यादव र गौरी शंकर यादवबिच झडप भएको बुझिएको छ । झडपमा कांग्रेस कार्यकर्ता ४० वर्षका गौरीशंकरको कुटाइबाट रजापाका कार्यकर्ता ४८ वर्षका रामपुकार यादवको मृत्यु भएको छ । घटनापछि कुटपिट गर्ने गौरी शंकर फरार छन् । उनको भाइ र छोरालाई पक्राउ गरेको इलाका प्रहरी कार्यालय कठहरियाका प्रहरी नायव निरीक्षक दीपेन्द्र यादवले जानकारी दिए ।
प्रकाशित मिति: बुधबार, असोज ४, २०७४
-1732776560.jpg)
