४ असोज, गोरखा । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले विदेशी शक्तिको चलखेल रोक्न मुलुकमा प्रत्यक्ष निर्वा्चित कार्यकारी प्रमुखको आवश्यकता रहेका बताएका छन । गोरखा सदरमुकाममा बुधबार आयोजित पत्रकार सम्मेलनमा उनले भने, “सबै राजनीतिक दलसँग सल्लाह गरी संविधान संशोधन गरेर प्रत्यक्ष निर्वा्चित कार्यकारी प्रमुख हुने व्यवस्था गरियो भने कम्तीमा पनि पाँच वर्ष देशमा राजनीतिक स्थिरता हुन्छ ।” पूर्वप्रधानमन्त्रीसमेत रहेका अध्यक्ष दाहालले प्रत्यक्ष कार्यकारी प्रमुख नै राख्नुपर्छ भन्ने एजेण्डा पहिलो संविधानसभा निर्वाचनका बेला नेपाली काँग्रेस, एमाले र मधेश केन्द्रित दलहरुले पनि सहमति जनाएको उल्लेख गर्दै सरकार टिकाउन मन्त्री थप गर्नैपर्ने, नौ÷नौ महिनामा सरकार फेर्नैपर्नेजस्ता प्रवृत्तिको अन्त्यका लागि भएपनि जनताबाट निर्वा्चित हुने कार्यकारी प्रमुख व्यवस्था हुनुपर्नेमा जोड दिए ।
प्रकाशित मिति: मंगलबार, असोज ३, २०७४
-1732776560.jpg)
