ललितपुर । अन्तरकजेलस्तरीय १३औं एलए कपकाे आज तेस्रो दिन ४ खेल सम्पन्न भएका छन् ।
आइतबारदेखि जारी प्रतियोगिताअन्तर्गत आज भएको पहिलो खेलमा एड्भान्सले सोफटरिका लाई ४–२ गोलले पराजित गर्दै प्रि-क्वाटरफाइनलमा प्रवेश गरेको छ । त्यस्तै समूह चरणको आज भएको दोस्रो खेलमा कुसुम कलेजले सगरमाथा कलेजलाई २–० गोलले पराजित गरेको छ ।
समूह चरणअन्तर्गत आज भएको तेस्रो खेलकम केसीएम र किंग्सबीचको खेल गोलरहित बराबरीमा सकिएको छ । गोलरहित बराबरीमा सकिएपछि भएको पेनाल्टी सुटआउटमा केसीएमले जित दर्ता गरेको आयोजकले जनाएको छ ।
आज भएको अन्तिम खेलको नतिजा पनि टाइब्रेकरबाट लिइयो । ऐपेक्स र पुल्चोकबीचको खेल २–२ गाेलको बराबरीमा सकिएपछि भएको टाइब्रेकरमा ४ विरुद्ध ५ गोलले एपेक्स कलेजले जित दर्ता गर्दै एपेक्स प्रि-क्वाटरफाइनल प्रवेश गरेको छ ।
एलए कप फुटबल प्रतियोगितामा स्नातक तहका विद्यार्थीले मात्र सहभागिता जनाउन पाउने छन् । १३औं सस्करणको प्रतियोगितामा उपत्यकाभित्र र बाहिरका गरी ३२ टिमको सहभागिता रहेको लिटल एन्जल्सका फुटबल प्रशिक्षक राजेन्द्र कार्कीले बताए ।
प्रकाशित मिति: मंगलबार, मंसिर १०, २०७६ १२:०३
