काठमाडौं : गोदावरी सरसफाइ अभियानले विश्व वातावरण दिवसको अवसरमा आज मानव साङ्लो बनाउने भएको छ ।
गोदावरी खोला क्षेत्र साप्ताहिक सरसफाइ अभियान, ललितपुरले गोदावरी खोलादेखि हनुमन्ते खोलासम्म १७ किलोमिटर लामो मानव साङ्लाे बनाउन लागेको हो ।
मानव साङ्लोपछि ललितपुरको गोदावरी चोकदेखि गोदावरी खोला किनारामा खुस्बु कोलोनीमा हुने सरसफाइ अभियानमा शहरी विकासमन्त्री मोहम्मद इश्तिायक राई र खानेपानीमन्त्री बिना मगरको सहभागिता हुने छ ।
धार्मिक र पर्यटकीयस्थलले महत्वपूर्ण रहेको यस क्षेत्रमा नुहाउनयोग्य पानी बगाउने यस अभियानले मुख्य लक्ष्य बनाएको छ ।
गत फागुन २६ गते आइतबार सुरु गरेको यो अभियानले गत आइतबार १३आँै हप्ता पूरा गरेको हो । गोदावरी खोलालाई स्वच्छ बनाई नदीलाई पूर्ण र जीवन्त बनाउन सफाइ अभियान सुरु गरिएको हो । अहिलेसम्म उक्त खोलाबाट करिब ५० मेट्रिक टन फोहर व्यवस्थापन गरिसकिएको छ ।
प्रत्येक हप्ता करिब दुई सय जनाले उक्त खोलामा रहेको फोहर सफा गर्दै आएका छन् । अभियानलाई सफल पार्न गोदावरी कुण्डदेखि बालकुमारी पुलसम्म तीन दिनको पदयात्रासमेत गरिएको छ ।
प्रकाशित मिति: बुधबार, जेठ २२, २०७६ १०:५३
