नेपालगञ्ज । महेन्द्र बहुमुखी क्याम्पस नेपालगञ्जमा विद्यार्थीहरुले तालाबन्दी गरेका छन् ।
सहायक क्याम्पस प्रमुख श्रीवास अधिकारीले शिक्षक र विद्यार्थीमाथि अपमानपूर्ण व्यवहार गरेको भन्दै विद्यार्थी संगठनहरुले क्याम्पसको लेखा शाखा र क्याम्पस प्रमुखको कार्यालयमा अनिश्चितकालीन तालाबन्दी गरेका हुन् ।
सोमबार अनेरास्ववियुका क्याम्पस कमिटी सचिव प्रकाश बिक, नेविसंघका कार्यबाहक अध्यक्ष चन्द्रप्रकाश देवकोटा र अखिल क्रान्तिकारीका उपाध्यक्ष उपेन्द्र रावलले संयुक्त विज्ञप्ति जारी गर्दै सहायक क्याम्पस प्रमुख अधिकारीको राजीनामा मागसहित तालाबन्दी गरिएको जनाएका छन् । विज्ञप्तिमा बीसीएको आप्mनै कम्प्युटर ल्याब निर्माण गर्नुपर्ने र नियमित पठनपाठनको समेत माग गरिएको छ ।
सोमबार बिहान बीसीए दोश्रो सेमेष्टरका विद्यार्थीहरुलाई पढाउँदैं गरेका शिक्षक सन्तकुमार बर्मालाई मानविकी संकायका सहायक क्याम्पस प्रमुख अधिकारीले अपमानपूर्ण व्यवहार गर्दै कक्षाकोठाबाट निकालेको भन्दै विद्यार्थी संगठनहरु आन्दोलनमा उत्रिएका हुन् ।
प्रकाशित मिति: आइतबार, मंसिर १६, २०७५ १९:१६
