काठमाडौँ । केही समयदेखि निरन्तर घटबढ हुँदै आएकाे सुनको मूल्य शुक्रबार भने केही घटेकाे छ ।
नेपाल सुनचाँदी व्यवसायी महासंघका अनुसार आज शुक्रबार सुनको मूल्य ५ सय रुपैयाँ प्रतिताेला घटेको हो ।
बिहीबार छापावाला सुन ७९ हजार ७ सय रुपैयाँमा कारोबार भएकोमा आज शुक्रबार ५ सयले घटेर तोलामा ७९ हजार २ सय रुपैँयामा कारोबार भइरहेको छ । त्यस्तै, तेजाबी सुन पनि घटेर तोलाको ७८ हजार ९ सय रुपैयाँ पुगेको छ ।
शुक्रबार बजारमा सुनको मूल्य घटेसँगै चाँदीको मूल्य पनि घटेको छ । बिहीबार ९ सय ५ रुपैँयामा कारोबार भएको चाँदीको मूल्य आज २५ रुपैँयाले घटेर ८ सय ८० रुपैँयामा कारोबार भइरहेको नेपाल सुन चाँदी व्यवसायी महासंघले जनाएको छ ।
