भारतको नियन्त्रणमा रहेको काश्मीरमा शनिबार भएको बस दुर्घटनामा परी ९ जनाको मृत्यु भएको छ । भीरबाट खोंचमा झरेको यात्रुबाहक बसमा सवार अरु ५ जना घाइते भएको स्थानीय प्रहरीले जनाएको छ ।
काश्मीरको कथौ जिल्लाको माल्हार क्षेत्रमा शनिबार बेलुका उक्त दुर्घटना भएको हो । घाइते तथा मृत्यु भएका मध्ये केही महिला र बालबालिका छन् ।
दुर्घटना भएको सवारी साधनमा १४ जना यात्रु थिए भने सवारी साधन तीव्र गतिमा रहेको प्रत्यक्षदर्शीहरुले बताएका छन् । चालकले नियन्त्रण गुमाएर दुर्घटना भएको बताइएको छ ।
प्रकाशित मिति: आइतबार, फागुन ११, २०७६ ०८:१४
