पूर्वी चीनको आन्हुइ प्रान्तमा अवस्थित एक भवनमा शुक्रबार बिहान भएको आगलागीमा परी ५ व्यक्तिको मृत्यु हुनुको साथै अन्य ३ घाइते भएका छन् ।
स्थानीय समयअनुसार शुक्रबार बिहान ५ः५७ बजे यस आवासीय भवनको पहिलो तल्लाका पसलहरू जल्नुको साथै दोस्रो र भुईको तल्लाको केही भागमा आगो फैलिएको थियो ।
सो आगलागीमा १ सय ५० वर्ग मिटरसम्म फैलिएको स्थानीय स्रोतले शुक्रबार जनाएको छ । आगालागी भएको बेला उक्त भवनभित्र २५ व्यक्ति रहेका थिए । तीमध्ये ८ जनालाई उपचारको लागि अस्पताल लगिएको थियो ।
उपचारको क्रममा पाँचको मृत्यु भएको थियो । १ जनाको अति सघन कक्ष (आइसियु)मा राखेर उपचार भइरहेको र सामान्य रुपमा घाइते भएका २ जना उपचारपछि घर फर्किएको जनाइएको छ ।
स्थानीय समयानुसार शुक्रबार बिहान ७ः५० मा उक्त आगलागी नियन्त्रणमा लिइएको र आगलागीको कारण बारे अनुसन्धान भइरहेको बताइएको छ ।
प्रकाशित मिति: शुक्रबार, कात्तिक २९, २०७६ ०९:१६
