दक्षिण कोरियामा रहेको एक अस्पतालमा भएको आगलागीमा परी दुई वृद्धको मृत्यु भएकाे यहाँको समाचार समिति योन्हापले जानकारी दिएको छ ।
दक्षिण कोरियाको राजधानी सहर सोलबाट करिब ३० किलोमिटर पश्चिममा रहेको सो अस्पताल भवनको पाँचौं तलाबाट सो आगलागी सुरु भएको र चौथो, तेस्रो तलामा आगो लागेको बताइएको छ ।
यस आगलागीमा अन्य ३६ जना घाइते भएका योन्हापले जानकारी दिएको छ । स्थानीय समयाअनुसार मङ्गलबार ९ः३० बजे आगोलागी सुरु भएको थियो ।
करिब १ सय ३० जना वृद्धहरुलाई नर्सिङ सुविधा दिएर राखिएको यस अस्पतलामा घाइते भएकाहरुमा ६ जनाको अवस्था चिन्ताजनक रहेको बताइएको छ ।
प्रकाशित मिति: मंगलबार, असोज ७, २०७६ १६:५३
