अमेरिकी राष्ट्रपति डोनाल्ड ट्रम्पले आगामी महिना गर्ने भनिएको बेलायत भ्रमणका क्रममा बेलायतका राजकुमार चार्ल्ससँग भेटवार्ता गर्न सक्ने सीएनएनले सोमबार जानकारी दिएको छ ।
अपराह्न चियाको समयमा ट्रम्प र चार्ल्सबीच भेटवार्ता हुने अनुमान गरिएको छ । यद्यपि, ह्वाइट हाउसले यस विषयमा केही टिप्पणी गरेको छैन ।
यसअघि ७० वर्षीय राजकुमार चार्ल्सले अमेरिकी राष्ट्रपति ट्रम्पसँग भेट गर्न अनिच्छा देखाएका समाचारहरू प्रकाशन भएका थिए । अमेरिकी राष्ट्रपति डोनाल्ड ट्रम्प र प्रथम महिला मेलानिया ट्रम्पले आगामी जुन ३ मा बेलायतको औपचारिक भ्रमण गर्दै छन् ।
