मलेसिया । सडक पार गर्ने क्रममा ट्याक्सीले ठक्कर दिँदा एक नेपालीको मृत्यु भएको छ । मृत्यु हुनेमा बझाङको केदारस्युँ गाउँपालिका–५ का ३० वर्षीय मानबहादुर बोहोरा रहेका छन् ।
कोठाबाट कामका लागि कम्पनीतर्फ गइरहेका बेला जोहोरबारुमा सडक पार गर्ने क्रममा उनलाई ट्याक्सीले ठक्कर दिएको थियो । ठक्करबाट गम्भीर घाइते भएका बोहोराको उपचारका क्रममा एक स्थानीय अस्पतालमा मृत्यु भएको हो ।
बोहोरा गएको सात वर्षदेखि मलेसियाको सिनामो (सोफा) कम्पनीमा काम गर्दैआएका थिए ।
प्रकाशित मिति: बिहीबार, भदौ २८, २०७५ १९:१६
