काठमाडौं । राष्ट्रिय खेलकुद परिषद्को उपाध्यक्ष पदमा मनोनित गरिएका पिताम्बर तिम्सेनासहित सदस्यहरु राजेश गुरुङ र इन्दिरा निरौलाले बुधबार सपथ लिएका छन् ।
आइतबार बसेको मन्त्रिपरिषद्को बैठकले काठमाडौंका तिम्सेनालाई राखेपको उपाध्यक्षमा तथा पोखराका राजेश गुरुङ र ओखलढुंगाकी इन्दिरा निरौलालाई सदस्यमा मनोनित गर्ने निर्णय गरेको थियो ।
युवा तथा खेलकुद मन्त्रालयमा आयोजित कार्यक्रममा मन्त्री जगतबहादुर विश्वकर्माले पद तथा शपथ ग्रहण गराएका छन् ।
तिम्सेनाले यसअघि पनि २०६६ सालमा परिषद्को उपाध्यक्षका रूपमा काम गरेका थिए ।
प्रकाशित मिति: मंगलबार, कात्तिक २७, २०७५ १९:१६