नेपालले एसीसी यू-१९ इस्टर्न रिजन क्रिकेट प्रतियोगिता २०१९ को उपाधि जितेको छ । हङकङलाई फाइनल खेलमा ६ विकेटले पराजित गर्दै नेपाल च्याम्पियन बनेको हो । यससँगै नेपाल एसीसी यू-१९ एसिया कपको लागि छनोट भएको छ ।
एसिसी यू–१९ इस्टर्न रिजन क्रिकेटको फाइनलमा हङकङलाई हराएसँगै नेपाल यू–१९ एसिया कपमा छनोट भएको छ । नेपालले मंगलबार हङकङलाई ४३.१ ओभरमा अल आउट गरेको थियो । हङकङले आफ्ना सबै विकेट गुमाउँदा ९५ रनमात्र बनाउन सफल भयो ।
टस जितेर बलिङ रोजेको नेपालका लागि सागर ढकालले उत्कृष्ट प्रदर्शन गरे । उनले ५ विकेट लिए । एक रन पनि नबनाउँदै हङकङले २ विकेट गुमाएको थियो । अब २८ अगस्टदेखि हुने एसिया कपमा नेपालले सहभागिता जनाउनेछ । श्रीलंकामा हुने याे प्रतियाेगितामा अन्य ७ देश खेल्दैछन् ।
प्रकाशित मिति: मंगलबार, असार २४, २०७६ १७:२३
