जारी एकदिवसीय विश्वकप २०१९ मा वेस्टइन्डिज समूह चरणबाटै बाहिरिएको छ । बिहीबार म्यानचेस्टरमा भएको खेलमा भारतसँग १ सय २५ रनको फराकिलो अन्तरले पराजित हुँदै वेस्टइन्डिजको यात्रा समाप्त भएको हो ।
यसअघि अफगानिस्तान र दक्षिण अफ्रिका उपाधि होडबाट बाहिरिसकेका छन् । ७ खेलमा १ मा जित र ५ मा हार बेहोरेपछि वेस्ट इन्डिज बाँकी दुई खेल अगावै बाहिरिएको हो ।
वेस्ट इन्डिजमाथि फराकिलो जित निकाल्दै अपराजित यात्रा कायमै राखेको भारत भने सेमिफाइनल नजिक पुगेको छ ।
६ खेलमा ५ मा जित सहित ११ अंकका साथ दोस्रो स्थानमा उक्लिएको भारतले बाँकी तीन खेल मध्य एकमा विजयी भए सेमिफाइनलमा प्रवेश गर्ने छ ।
२ सय ६९ रनको विजयी लक्ष्य पछ्याएको वेस्ट इन्डिज ३४.२ ओभरमा अल आउट हुँदै १ सय ४३ रनमा समेटियो ।
प्रकाशित मिति: शुक्रबार, असार १३, २०७६ १०:४४
