कोपा अमेरिका २०१९ अन्तर्गत घरेलु टोली ब्राजिलले समूह विजेता बन्दै क्वाटरफाइनलमा स्थान पक्का बनाएकाे छ ।
शनिबार भएको समूह चरणको अन्तिम खेलमा ब्राजिलले पेरुलाई ५-० को फराकिलो अन्तरले पराजित गरेको हो । ब्राजिलले खेलको १२ हौं मिनेटमा क्यासेमिरोको गोलमा अग्रता लिएको थियो । त्यसको ७ मिनेटपछि नै ब्राजिलले रोबर्टो फिर्मिनोको गोलमा अग्रता दोब्बर पार्यो ।
खेलको ३२ हौं मिनेटमा एभरटनले गोल गरेपछि ब्राजिल फराकिलो जिततर्फ उन्मुख भएको थियो । दोस्रो हाफको ५३ हौं मिनेटमा कप्तान ड्यानी आल्भेसले गोल गरे । ९० अौं मिनेटमा एभरटनले व्यक्तिगत दोस्रो गोल गरेपछि ब्राजिल ५-० ले अगाडि बढ्यो ।
यस नतिजासँगै ब्राजिल ३ खेलमा ७ अंक जोड्दै शीर्षस्थानमा रहेर क्वाटरफाइनलमा प्रवेश गरेको छ ।
प्रकाशित मिति: आइतबार, असार ८, २०७६ १०:२३
