कोपा अमेरिका २०१९ कपको पहिलो खेलमा अर्जेन्टिना पराजित भएकाे छ । उपाधि दावेदार मानिएको अर्जेन्टिनालाई कोलोम्बियाले २-० ले हराएको हो ।
खेलको ७१ औं मिनेटमा रोजर मार्टिनेजले उत्कृष्ट गोल गर्दै कोलोम्बियालाई अग्रता दिलाएका थिए । उनले हामेस रोड्रीग्वेजको पासलाई नियन्त्रणमा लिँदै पेनाल्टी क्षेत्रको दायाँ भागबाट उत्कृष्ट गोल गरेका थिए ।
कोलोम्बियाले ८६ औं मिनेटमा अग्रता दोब्बर पार्यो । वैकल्पिक खेलाडीको रुपमा मैदान प्रवेश गरेका डुभान जपाटाले जेफर्सन लेर्माको पासलाई सदुपयोग गर्दै कोलोम्बियाको अग्रता दोब्बर पारे ।
प्रकाशित मिति: आइतबार, असार १, २०७६ १०:२६
