बेल्जियन तथा चेल्सीका फरवार्ड इडेन हजार्डले यस सिजनको पिएफए फ्यान्स प्लेयर अफ दि इयरको अवार्ड जितेका छन् । उनले मनोनयनमा रहेका म्यानचेस्टर सिटीका रहिम स्टरलिङ, बर्नाडो सिल्भा र सर्जियो अगुएरोलाई तथा लिभरपुलका भर्जिल भान डिक र साडियो मानेलाई पछि पारेका हुन् ।
समर्थकको भोटको आधारमा हजार्डले यि पाँच खेलाडीलाई पछि पार्दै सोमबार अवार्ड जितेका हुन् । उनले ३४ प्रतिशत भोट पाएका थिए । हजार्डले चेल्सीका लागि यो सिजन १६ गोल गर्दै १५ असिस्ट गरेका थिए ।
अहिले उनलाई स्पेनिस क्लब रियल म्याड्रिडले १०० मिलियन पाउन्डमा क्लबमा अनुबन्ध गर्ने प्रयास गरिरहेकाे छ भने सहमित निजक पुगेकाे बताइएकाे छ ।
प्रकाशित मिति: मंगलबार, जेठ १४, २०७६ ११:२३
