२०१६ को कोपा अमेरिका फाइनलमा चिलीसँग हारेपछि सन्यास घोषणा गरिसकेको कप्तान लियोनेस मेस्सीलाई टोलीमा समावेश गर्दै अर्जेन्टिना फुटबल टोलीको घोषणा भएको छ ।
त्यतिबेला अर्जेन्टिना पेनालटी सुटआउटमा चिलीसँग पराजित भएको थियो । तर, त्यसपछि अर्जेन्टिनी सरकार र फुटबल समर्थकको आग्रहमा उनी पुनः राष्ट्रिय टोलीमा फर्किएका थिए । रसिया विश्वकप समेत खेलेका मेस्सीले त्यसयताका केही खेलमा भने विश्राम लिएका थिए ।
मुख्य प्रशिक्षका लियोनेल स्कोलानीले स्टार फरवार्ड लियोनेल मेस्सीलाई टोलीमा समावेश गर्दै उनकै कप्तानीमा २३ सदस्यीय टोलीको घोषणा गरेको हो ।
कोपा अमेरिका जुनमा ब्राजिलमा आयोजना हुदैछ । समूह ‘बी’ मा रहेको अर्जेन्टिनाले कोलम्विया, पाराग्वे र पाहुना टोली कतारसँग प्रतिस्पर्धा गर्नेछ ।
प्रकाशित मिति: बुधबार, जेठ ८, २०७६ १०:०६
