काठमाडौं । स्पेनिस लिग फुटबलमा बार्सिलोनाले रियल बेटिसलाई ४–१ ले हराएको छ । बार्सिलोनाको जितमा कप्तान लियोनल मेसीले ह्याट्रिक गरे ।
अर्को एक गोल लुइस सुवारेजले गरे । घरेलु टोली रियल बेटिसका लागि लोरेन मोरोनले सान्त्वना गोल फर्काए ।
खेलको १८ औं मिनेटमा मेस्ससीको गोलबाट बार्सिलोनाले अग्रता लिएको थियो । उनले पहिलो हाफको इन्जुरी समय र ८५ औं मिनेटमा गोल गरी ह्याट्रिक पूरा गरे भने ६३ औं मिनेटमा लुइस स्वारेजले गोल गरे भने ८२ औं मिनेटमा रियल बेटिसका लागि लोरेन मोरोनले गोल फर्काए ।
यो जितसँगै २८ खेलबाट ६६ अंक जोडेको बार्सिलोना स्पेनिस ला लिगाको उपाधी नजिक पुगेको छ । समान खेल खेलेको एथ्लेटिको मड्रिड ५६ अंकसहित दोस्रो स्थानमा छ ।
प्रकाशित मिति: सोमबार, चैत ४, २०७५ १३:४२
