काठमाडौं । स्याङ्जाकाे वालिङ नगरपालिका १४ स्थित तमादीडाँडामा बिहीबार बिहान गएकाे पहिरोमा परी ९ जनाको मृत्यु भएको छ ।
पहिरोमा परी टीकामाया नेपालीसहित उनका ३ बहिनी, ४ छोरा, १ बुहारी र ९ महिनाको नातिको मृत्यु भएको हो ।
मृत्यु हुनेमा १४ वर्षीय विक्रम नेपाली, २१ वर्षीय कुलदीप नेपाली, १६ वर्षीया विनिता नेपाली, २८ वर्षीया उमाकला नेपाली, ४८ वर्षीया माया नेपाली, ३० वर्षीय दीपक नेपाली, ६० वर्षीया सानी नेपाली र ९ वर्षीय विवश नेपाली छन् ।
मृत्यु भएका ९ महिनाकाे बच्चा भने कसको हो र नाम के हो भन्ने नखुलेको प्रहरीले बताएकाे छ ।
उद्धारका क्रममा सबै मृत अवस्थामा फेला परेको जिल्ला प्रहरी कार्यालय स्याङ्जाका एसपी होविन्द्र बोगटीले जानकारी दिए ।
घटनास्थलबाट १६ वर्षीया मनिषा नेपालीको जीवितै उद्धार गरिएको बोगटीले जानकारी दिए । मनिषालाई थप उपचारका लागी गाण्डकी मेडिकल कलेज पोखरातर्फ पठाइएको छ ।
उनका अनुसार टीकामायाका पतिकाे यसअघि नै मृत्यु भइसकेकाे थियाे । माइलो छोरा भने मजदुरीका लागि भारतमा छन् ।
प्रकाशित मिति: बिहीबार, असोज ८, २०७७ ११:४०
