हेटौंँडा । हेटौंँडामा ट्रयाक्टर दुर्घटना हुँदा साेमबार २ जनाको मृत्यु भएको छ ।
सोमबार अपरान्ह हेटौंडा बजारबाट निर्माण सामग्री लिएर पूर्वी मकवानपुरको बागमतीतर्फ जाँदै गरेको ट्याक्टर धरान–चतारा सडकखण्डअन्तर्गत हेटौंँडाको हटियामा दुर्घटना भएको हो ।
दुर्घटनामा मृत्यु हुनेमा बागमती गाउँपालिका– ६ का अन्दाजी ५० वर्षीय लोप्चन र ८ का अन्दाजी १७ वर्षीय किशोरसुजल रहेका छन्। प्रहरीका अनुसार दुर्घटनामा बागमती– ६ का १६ वर्षीय मनोज जिम्बा घाइते भएका छन्।
हेटौंँडाबाट निर्माण सामग्री बोकेर बागमती गाउँपालिकाको फापरबारी भन्ने ठाउँमा जाँदै गरेको ना ५ त ८०८८ नम्बरको ट्रयाक्टर दुर्घटना भएको हो।
दुर्घटनामा गम्भीर घाइते दुई जनाको उपचारका क्रममा हेटौंँडा अस्पतालमा ज्यान गएको जिल्ला प्रहरी कार्यालयका प्रवक्ता इन्द्रबहादुर रानाले जानकारी दिए।
प्रहरी नायब उपरीक्षक रानाका अनुसार घाइते एक जनाको हेटौंडा अस्पतालमा उपचार भइरहेको छ। ट्याटर चालक भने फरार रहेको जनाइएको छ।
प्रकाशित मिति: सोमबार, साउन १२, २०७७ १७:१६
